Campaña sobre reciclado de aceites domésticos en Paiosaco
Mañán repartiranse embudos de balde no stand que se situará no campo da feira de Paiosaco entre as 10:30 e as 13:30 horas
Mañá, entre as 10:30 e as 13:30 horas no campo da feira de Paiosaco situarase un stand no que se informará sobre a campaña de reciclado de aceites domésticos. Na iniciativa que impulsa o Concello da Laracha serán repartidos embudos entre a cidadanía para facilitar a separación do aceite de cociña para o seu posterior tratamento.
Ao longo do mes de setembro realizaranse iniciativas de similares características nos núcleos da Laracha. O día 8, na Praza do Concello e día 22 xunto ao centro médico. Además, o día 15 de setembro estarán en Caión.
Esta acción informativa lévase a cabo despois de poñer a disposición da cidadanía un total de doce colectores para o depósito de aceite doméstico. Son de cor laranxa e facilmente identificables. Foron instalados en puntos estratéxicos das vilas da Laracha:
- Avenida Fisterra, rúas Río Acheiro, Lino Gómez Canedo, Santa Lucía, Rosalía de Castro, Luis Martínez Vázquez e Epifanio Campo
- Estrada AC-552 á altura das Torres de Cillobre
- Paiosaco (campo da feira)
- Caión (Avenida da Laracha e rúa Campo da Insua)
- Urbanización Monte Claro no Cancelo do Medio (parroquia de Cabovilaño)
O obxectivo é facilitar a cidadanía un modo ecolóxico de desfacerse do aceite vexetal de cociña unha vez usado. Se trata dun material especialmente contaminante para a auga, que dificulta o proceso de depuración e que, por tanto, non debe botarse polos desaugadoiros da cocina nin polos inodoros. O aceite debe depositarse nos contedores en botellas de plástico ben pechadas.
Esta campaña conta coa colaboración da Consellería de Medio Ambiente e do Ministerio de Transición Ecolóxica a través das axudas dos Plans de Impulso ao Medio Ambiente (PIMA) e do Plan Estatal Marco de Xestión de Residuos (PEMAR).
