Protección Civil coopera co Centro de Saúde da Laracha

Durante la campaña de vacinación da Covid e da gripe Protección Civil facilita o control de accesos

A agrupación de voluntarios de Protección Civil da Laracha está a colaborar co centro médico da capital municipal para facilitar o desenvolvemento da dobre campaña de vacinación. Actualmente estase administrando a cuarta dose do coronavirus e tamén da gripe que se leva a cabo cada ano nestas datas.  

Os voluntarios realizan tarefas relacionadas co control de accesos ao centro sanitario, información e acompañamento ás persoas que acoden. Tamén, vixilancia do cumprimento das medidas de protección e prevención dos contaxios. A súa presenza é de luns a venres, tanto pola mañá (10 a 14 horas) como pola tarde (15 a 19 horas).

Cabe sinalar que no momento actual no centro médico da Laracha estanse vacinando coa cuarta dose da covid-19 soamente a aquelas persoas maiores de 85 anos de idade que foran citadas previamente polo Sergas. Así mesmo, teñen a oportunidade de ser vacinadas da gripe conxuntamente se así o solicitan ao persoal sanitario.