O programa "A Laracha acolle" xa está en marcha

As liñas de actuación de "A Laracha acolle" son un taller de alfabetización e o espazo de participación cultural ‘Exprésa-T’

O Concello ten en marcha unha nova edición do programa A Laracha acolle. Vai dirixido ás persoas inmigrantes empadroadas no termo municipal -prioritariamente, ao colectivo das mulleres- e ten por finalidade a súa inclusión social e cultural.

Do mesmo xeito que o programa realizado durante o pasado curso, componse de dúas liñas de acción complementarias. Por unha banda o Taller de alfabetización nas linguas oficiais de Galicia. Por outra, a creación do espazo de expresión e participación cultural ‘Exprésa-T’, dirixido ao coñecemento dos costumes, funcionamento e valores da sociedade de acollida. Tamén inclúe intercambio e socialización, así como ao tratamento de temas transversais de xénero e coeducación.

Dúas líneas de actuación

O taller de alfabetización ten por propósito a adquisición de habilidades lingüísticas que lles permita ás persoas inmigrantes desenvolverse a diario de forma autónoma . As clases levaranse a cabo seguindo unha metodoloxía alternativa de ensinanza aprendizaxe e con perspectiva de xénero. Para iso trabállase contidos e linguaxe non sexista, así como poñendo en valor o papel das mulleres na sociedade.

‘Exprésa-T’, reforza a acción anterior e céntrase na creación dun espazo coeducativo de participación e convivencia que permita poñer en práctica os contidos asimilados a nivel lingüístico a través do coñecemento e intercambio mutuo das distintas culturas.

As persoas interesadas en participar en A Laracha acolle deben inscribirse no departamento de Servizos Sociais acudindo ao edificio administrativo ou chamando ao 981 612811.