Décima xornada da Liga Atlántica de Billarda
Culleredo acolleu unha nova xornada de billarda en unha pista cuberta polo mal tempo
A xornada de Liga Atlántica de billarda Conferencia Noroeste estaba programada para xogarse no exterior. Non obstante, a situación meteorolóxica do pasado fin de semana, obligou a acudir á pista polideportiva cuberta de Castro Laxe. A mesma está a carón do parque de Tarreo en Vilaboa, no concello de Culleredo. Esta xornada, ademais de puntuar para a Liga, tiña o interese engadido. Poñía en xogo tres prazas para participar na "Súper Copa de Billarda" que se disputará o vindeiro 26 de marzo na Coruña. Esas prazas xa teñen nomes propios e son os de Manu Pozo de Billardeiros Musicais de Ribadeo, Cotelo de APB A Laracha e Alberte de Cochiqueiros da Billarda de Cerceda. A actividade será televisada en directo pola TVG2. Os resultados da xornada foros os seguintes:
Categoría absoluta
- Campión: Manu Pozo (Billardeiros Musicais-Ribadeo)
- Subcampión: Cotelo (APB-A Laracha)
- Terceiro clasificado: Xan Rodiño (Lúa de Forza-Sanxenxo)
Categoría feminina
- Campioa: Geni (Billardeiros Musicais-Ribadeo)
- Subcampioa: Mercedes (Campo da Feira-Paiosaco)
- Terceira clasificada: Silvia (Cochiqueiros -Cerceda)
Categoría infantil
- 1º Abel (Campo da Feira-Paiosaco)
- 2ª Aroa (Billardeiros Musicais-Ribadeo)
- 3º Nuno (Filloas de Sangue-A Coruña)
Equipos
- Campión: Billardeiros Muscais (Ribadeo)
- Subcampión: Campo da Feira (Paiosaco)
- Terceiro: APB (A Laracha)
"Queremos agracecer a Concellaría de Deportes da Coruña os trofeos e os agasallos donados para esta xornada. Ao Concello de Culleredo por facilitarnos a pista de xogo e a Asociación Castro Laxe, por nos abrir a pista, por deixarnos facer uso dos baños e por todo o que se refire ao servizo cafetería Moitísimas grazas por facer máis grande cada día o noso deporte", afirman desde a Liga.
