"Seráns de Baile" en Paiosaco
28 de octubre de 2022 (18:44 h.)
Como cada sábado "Seráns de Baile" para persoas maiores de xeito gratuito
Todos os sábados o Concello da Laracha programa os Seráns de Baile nas instalacións do centro sociocultural de Paiosaco de 18:00 a 21:00 horas. Son as tardes de música, baile e ocio para as persoas maiores, que están convidadas a asistir dun xeito totalmente gratuíto.
O lugar escollido, o auditorio do centro sociocultural da Porta Santa, é amplo e funcional. Conta no seu exterior cun amplo espazo de aparcamento para maior comodidade das persoas que se achegan en vehículo particular.
O Concello organiza o Seráns de Baile para ofrecer aos asistentes unha alternativa de ocio que optimice o seu tempo de lecer. Ademais, permite relacións sociais entre o colectivo da terceira idade e evite a exclusión social.