Dende o programa de voluntariado cooperan co centro de saúde

Os participantes do programa realizan funcións de control de acceso ás instalacións durante a campaña de vacinación da gripe

No Concello da Laracha estase a desenvolver un programa de voluntariado xuvenil co apoio da Xunta de Galicia. É a través da Dirección Xeral de Xuventude, Participación e Voluntariado do que forman parte oito mozos menores de 30 anos de idade.

Os participantes están a realizar labores de apoio en actividades de interese xeral para a cidadanía larachesa. Están relacionas cos ámbitos social, educativo, deportivo, cultural, medioambiental, promoción do benestar das persoas maiores e a igualdade de oportunidades entre homes e mulleres. No desenvolvemento deses traballos, os voluntarios están baixo a supervisión de técnicos especializados nas diferentes materias.

Campaña de vacinación

Comezaron a cooperar co centro de saúde da Laracha na campaña de vacinación da gripe. Comenzó nesta semana e concluirá a finais de ano. Durante os próximos meses, os voluntarios deste programa -tamén membros da Agrupación de Voluntarios de Protección Civil- estarán a diario no centro médico. Coordinan o acceso ás instalacións das persoas que acudan, controlando o cumprimento das medidas de prevención ante a Covid-19.

Precisamente para favorecer a suas comodidades por agardar no exterior do centro de saúde para ser atendidas, o Concello instalou unha carpa na entrada principal onde os usuarios poden resgardarse da choiva.

Este programa de voluntariado é organizado co propósito fundamental de fortalecer a aprendizaxe dos mozos e reforzar os seus valores solidarios. Unha vez rematado, cada participante recibirá un certificado oficial que acreditará a súa colaboración e recoñecerá o seu valor social.