Mellora da rede viaria en doce estradas rurais do Concello da Laracha
As obras da rede viaria están practicamente rematadas e supuxo un investimento superior aos 181.000 euros
A execución do proxecto de mellora da rede viaria en doce estradas das parroquias de Cabovilaño, Coiro, Lemaio e Vilaño está practicamente rematada. Falta acometer actuacións menores de sinalización e albanelería que se levarán a cabo, previsiblemente, a próxima semana.
En total, a través deste proxecto o Concello mellorou tres quilómetros e medio de lonxitude da rede viaria municipal no ámbito rural. Así, na parroquia de Cabovilaño actuouse na estrada entre os núcleos da Fraga e A Barreira e nos lugares de Arén e Xeriz.
En Coiro realizouse a obra máis ampla en dúas vías, a que comunica O Coto con O Rapadoiro e a que enlaza Novás e Gudís. Lemaio ve melloradas as comunicacións rodadas entre os lugares de A Fraga e Tuixe e A Xesteira e O Ramo. Tamén se actuou en dous camiños no Igrexario. E en Vilaño a intervención centrouse en tres vías do lugar de Marfulo. A execución do proxecto supuxo un investimento total superior aos 181.000 euros.
Outros proxectos rematados
A execución dos proxectos de mellora da rede viaria nos núcleos de A Gándara (parroquia de Torás), A Pedreira (Caión) e Santa Baia (Soandres) entrou na súa fase final. Nos tres puntos de intervención xa se realizou a renovación do pavimento. En total, las obras do Concello da Laracha, dotouse cunha nova capa de aglomerado asfáltico en quente. Ela facilitará a circulación dos vehículos, a unha lonxitude lineal próxima aos mil metros. As obras remataron co pintado das marcas viarias tanto en A Gándara como en A Pedreira. Este proxecto na rede viaria está valorado en preto de 88.000 euros.
