Licitación para catro proxectos en estradas do concello

Afectan a 25 entidades de poboación de nove parroquias do concello

O Concello saca a licitación esta semana catro novos proxectos de mellora da estradas de núcleos rurais e os seus servizos complementarios. As obras uman un importe total de 431.000 euros. En todos os casos inclúen sinalización horizontal e vertical para reforzar a seguridade viaria. Os proxectos levaranse a cabo en vías de vinte e cinco entidades de poboación de nove parroquias diferentes:

• Soandres: O Priorato, A Abeleira, Boimir, A Insuaboa, Currelos de Abaixo, Condesuso, Condes, As Táboas e A Ponte da Veiga, mellora da capa de rodadura das estradas.
• Montemaior: O Batalo, Bardenlos, A Ferreira, Casas Longas, O Lorteiro e Pazos, mellora do pavimento en todas as estrada e tamén da rede de recollida de augas pluviais nos puntos nos que así é necesario.
• Lemaio: ampla intervención que contempla a mellora da capa de rodadura de dúas vías que cumunica e discorren polos núcleos de A Estrada, Tuixe de Arriba, Tuixe de Abaixo e A Barreira. Presentan unha lonxitude total duns 5.000 metros lineais. Tamén se contempla a mellora e ampliación da rede de abastecemento de auga.
• Torás: estrada no núcleo de O Campo, moi próximo ao casco urbano da Laracha, onde as obras consistirán no acondicionamento dos sobreanchos resultantes da construción de novos peches de parcelas particulares para o seu aproveitamento como espazos de aparcamento. Ademáis, será ampliada e mellorada a rede de recollida de augas pluviais.
• Cabovilaño: mellorarase a vía do núcleo de Cardois, incluíndo tamén a mellora da rede de pluviais. En Caión, no núcleo de Goxán, levarase a cabo unha intervención de similares características.
• A Painceira (parroquia de Coiro), O Campo da Porta (Lendo) e Vilanova (Vilaño): será renovada a superficie de rodadura dos vehículos.

.