Gañadoras do concurso de marcapáxinas
Os agasallos para as gañadoras consistirán en libros, material educativo e didáctico pero tamén na edición dos traballos
Xa hai gañadoras do concurso de marcapáxinas organizado polo Concello da Laracha. A actividade enmárcase no Día das Letras Galegas para o alumnado de educación primaria. O xurado, tras valorar todos os traballos presentados, acordou outorgar os seguintes galardóns:
Alumnado de 1º, 2º e 3º de Primaria:
- 1º premio: Sofía Queijo Rey por “Soñar esperta, cos ollos abertos”.
- 2º premio: Vera Castro Cacharrón por “Un conto”.
Alumnado de 4º, 5º e 6º de Primaria:
- 1º premio: Uxía Rodríguez Cotelo por “Eu elixo ler”
- 2º premio: Noa Cabezas Martínez por “Os extraterrestres tamén len.
As catro galardoadas recibirán como agasallo lotes de libros e material didáctico adaptado ás súas idades. E entrega dos premios será o venres 27 de maio ás 19:00 horas na biblioteca municipal da Laracha. Ademais, os traballos que obtiveron o primeiro premio de cada categoría serán editados polo Concello. E Tamén, distribuídos como os marcapáxinas oficiais da Rede de Bibliotecas Municipais. Os traballos permanecerán expostos ao público durante os próximos días na biblioteca municipal da Laracha.
