Asociación Santa María de Torás, primer premio no Concurso de Panxoliñas
Santa María de Torás presentou a peza "O pelo roxiño" e logrou 2.860 reaccións positivas no facebook
A Asociación Cultural Santa María de Torás, coa súa peza O pelo roxiño, logrou o primeiro premio do tradicional Concurso de Panxoliñas “María Angeriz Tuset”. Neste ano o Concello da Laracha organizou por primeira vez na modalidade virtual, adaptándose así ás restricións sanitarias.
Os premios do certame foron decididos directamente polos usuarios das redes sociais a través dunha votación pública na páxina de Facebook municipal. Entre os seis grupos participantes rexistráronse máis de 7.200 “gústames” desde a apertura do prazo o 23 de decembro e ata o mediodía do día 3 de xaneiro.
Postos e premios
- A panxoliña da Asociación Cultural Santa María de Torás foi a máis votada con 2.860 reaccións positivas, obtendo por tanto o premio económico de 400 euros. Pódese ver neste enlace
- O segundo posto (300 euros) foi para a Asociación Cultural Arume de Caión, con 2.548 votos á súa panxoliña titulada Despedida de ano vello.
- En terceiro lugar (200 euros) quedou clasificado o Coro Xuvenil Santa María de Torás, que obtivo 803 votos na peza O caixón das emocións.
Engadir, ademáis, a gratificación de 200 euros a cada grupo polo feito de presentarse ao concurso. O resto dos participantes foron o Coro As Salseiras de Caión, a Asociación Musical da Laracha e o Coro de Vilaño. En total o Concello reparte neste concurso 2.100 euros para premiar a actividade, creatividade e esforzo das asociacións culturais, musicais e coros parroquiais participantes.
