Reunión do comité municipal de seguimento do coronavirus
Na sesión, o comité faló do regreso as aulas, a Festa dos Milagres e a feira de Paiosaco
Hoxe celebrouse unha nova reunión do comité municipal de seguimento ante a Covid-19. Na sesión deuse conta do inicio do curso escolar sen incidentes na escola infantil A Galiña Azul nin nos CEIPs Otero Pedrayo da Laracha, Alfredo Brañas de Paiosaco e Caión. Alí, o Concello reforzou a frecuencia das limpezas e desinfeccións durante o horario lectivo en cumprimento do protocolo establecido pola Xunta de Galicia.
Coincidindo co inicio do curso tamén se retomou o programa Madrugadores. O servizo de aula lúdica recuperou o seu horario de tarde nas instalacións do edificio de servizos múltiples. No verán se prestase o mesme servizo pola mañá no colexio da Laracha.
O comezo das clases tamén supón o regreso do programa Educa en positivo impulsado polo Concello e a Consellería de Política Social. Así, pretendese responder dun xeito integral ás necesidades educativas daquelas familias con menores e que se atopan en situación de vulnerabilidade ou risco de exclusión social.
En relación á programación cultural e deportiva de inverno, informouse que o Concello non porá en marcha polo momento ningún curso ou actividade. O que si se desenvolverá será un programa infantil dirixido ao fomento da lectura cuxos contidos se anunciarán nos próximos días.
Milagres de Caión e feira de Paiosaco
Sobre as Festas dos Milagres de Caión púxose de manifesto o estrito cumprimento das medidas de prevención na igrexa onde se desenvolveron os actos relixiosos. A Policía Local e a Agrupación de Voluntarios de Protección Civil cooperaron no control de accesospara evitar aglomeracións de persoas. Aínda que a afluencia de xente durante toda a semana foi moi importante, non se produciu ningún incidente.
Tamén na feira de Paiosaco puido realizarse a actividade sen incidencias. Na última, celebrada o 6 de setembro, so se permitiu a instalación de postos de produtos do campo e de alimentación. Mentres as autoridades sanitarias manteñan as medidas de prevención específicas no Concello da Laracha, a feira de Paiosaco continuarase desenvolvendo con esas mesmas restricións.
Na reunión participaron o alcalde, José Manuel López Varela, os catro concelleiros con áreas de goberno delegadas, o xefe da Policía Local e o secretario do Concello.
