Proba da fase de oposición dun auxiliar administrativo

O auxiliar administrativo será incorporado polo Concello como funcionario interino

O pavillón municipal da Laracha acolleu onte a proba da fase de oposición do procedemento de selección do auxiliar administrativo que o Concello incorporará como funcionario interino. Das 117 inscritas presentáronse ao exame 80. Como medida de seguridade, o acceso ao recinto realizouse de xeito gradual para evitar aglomeracións e no interior do pavillón as mesas gardaron a distancia interpersoal de 1,5 metros

Ademais do exame realizado onte, consistente nunha proba tipo test de cincuenta preguntas, ao tratarse dunha selección de persoal polo sistema de concurso-oposición tamén se terá en conta a valoración de méritos de cada opositor, cuxa táboa pode consultarse na web municipal www.alaracha.gal.