O Bng presentará alegacións ao parque eólico Coto Loureiro

Este proxecto no parque do Coto Loureiro prevé a instalacións de 14 aeroxeneradores, todos eles ubicados entre as parroquias de Montemaior e Soandres

O Bng da Laracha presentará alegacións ao proxecto de parque eólico Coto Loureiro, que afecta os concellos da Laracha e Cerceda. Este proxecto prevé a instalacións de 14 aeroxeneradores, todos eles ubicados no concello da Laracha (entre as parroquias de Montemaior e Soandres) de 173 metros de altura. Algúns deles moi perto de núcleos de poboación como é o caso do núcleo de Portodoso en Soandres. Leer el DOG del 22 de marzo picando nesta ligazón.

"As alegacións presentanse, entre outros motivos, pola afectación que este parque tería sobre o patrimonio natural e arqueolóxico, sobre as principais actividades económicas na zona como son a agro-gandeira e forestal. Pero tamén, sobre a poboación de determinados núcleos que terían algúns dos muíños moi perto", explica Xoán Sande, portavoz municipal do Bng da Laracha.