Limpeza e melloras no río e paseo fluvial do Anllóns

As cuadrillas medioambientais municipal interveñen no propio leito do río Anllóns para eliminar lixo e residuos vexetais

O paseo fluvial do Anllóns que bordea o río ten dous quilómetros e medio. Desde a área recreativa de Gabenlle ata a ponte do Formigueiro, constitúe un dos recursos sociais, medioambientais e turísticos máis destacados do municipio da Laracha. Trátase dunha infraestrutura de uso vecinal que tamén atrae visitantes. Ademáis, polo seu emprazamento e características presenta unha notable riqueza natural e paisaxística.

O Concello da Laracha está a executar desde o inicio do verán unha dobre intervención de mellora. Tanto no propio paseo fluvial como no seu entorno. O propósito é poñer en valor esta infraestrutura que non puideran mellorarse durante a primavera debido ao confinamento pola Covid-19.

Así, desde hai xa máis de dous meses a especialidade de carpintería de madeira do Obradoiro de Emprego A Laracha V está a actuar na renovación das táboas da pasarela peonil. Tanto das que conforman o espazo de circulación como as da balaustrada. Os dez alumnos traballadores da citada especialidade, acompañados polo persoal docente, centran neste punto a totalidade das súas actuacións. Alí, tamén conforman a parte práctica do seu aprendizaxe da profesión, a que é outra das bases fundamentais da organización deste programa du.

Obradoiro de Emprego e cuadrillas municipais

O importante volume dos traballos que se están a executar evidénciase nos datos económicos. O Obradoiro de Emprego A Laracha V conta con dúas especialidades: carpintería de madeira e pintura industrial- con dez alumnos traballadores en cada unha delas e cinco persoas que forman o equipo directivo, docente e administrativo. Os soldos do persoal e as obras, ascende a 863.000 euros. Máis da terceira parte, 302.000 euros, destináronse exclusivamente á adquisición do material para a renovación do paseo fluvial.

Por outra banda, as cuadrillas medioambientais municipais tamén están centrando a súa actividade no entorno do paseo fluvial. Neste caso no propio río. Os traballos que están a acometer consisten na limpeza integral do lixo e a retirada dos residuos vexetais especialmente troncos e árbores caídas. Esta época do ano, na que o río leva un menor nivel de auga, é a idónea para o desenvolvemento deste tipo de intervencións.