Conclúen as obras de mellora da estrada no núcleo da Fraga, na parroquia de Vilaño

O Concello vén de completar a execución das obras de mellora nunha estrada do núcleo da Fraga, na parroquia de Vilaño.

O Concello vén de completar a execución das obras de mellora da capa de rodadura nunha estrada do núcleo da Fraga, na parroquia de Vilaño. A intervención consistiu no acondicionamento da plataforma da vía, que anteriormente presentaba un pavimento de terra, mediante a dotación dunha nova capa de aglomerado asfáltico para a superficie de rodadura dentro da zona de núcleo para favorecer o tránsito dos vehículos e usuarios. Tamén se contempla o pintado das marcas viarias e a colocación da sinalización para reforzar a seguridade.

Nos próximos días tamén está previsto executar outras dúas intervencións nos lugares de Proame (parroquia de Lemaio) e A Pedra (Coiro) en estradas de titularidade municipal situadas en núcleos rurais, do mesmo xeito para renovar o pavimento e aumentar a seguridade.

A conservación e mantemento en bo estado dos máis de seiscentos quilómetros de estradas que conforman a rede viaria municipal é un asunto prioritario na xestión municipal, xa que é cuestión esencial para que existan boas comunicacións entre os máis de trescentos núcleos de poboación que existen no concello.