Marcelino Sánchez Blanco recibe la felicitación del alcalde polo seu 100 aniversario
100 aniversario de Marcelino Sánchez Blanco.
O pasado día 14 de abril o señor Marcelino Sánchez Blanco cumpriu os 100 anos de idade.
Natural do lugar de Rebordelos (Carballo) e carpinteiro de profesión, emigrou a Suíza nos anos 60, época na que ao mesmo tempo foi construíndo a súa vivenda na Pedreira, parroquia de Caión, onde reside desde 1969, actualmente coa súa muller Magdalena.
Marcelino ten tres fillos, cinco netos e catro bisnetos. Gran parte da familia e das súas amizades reuníronse para festexar o 100 aniversario e a sorte de que, tras un século de vida, afirme atoparse “ben de saúde, da cabeza e da memoria”.
O alcalde, José Manuel López Varela, e os edís Rocío López e Alberto Blanco, tamén felicitaron a Marcelino, agasallándoo cunha placa conmemorativa e un ramo de flores en representación do Concello.
No termo municipal da Laracha están empadroadas nove persoas con máis dun século de vida, sendo dúas delas homes e sete mulleres.
