O alcalde recibe no Concello ao Fútbol Club Galicia de Berna
O equipo xogou un partido amistoso o pasado sábado contra o San Román C.F.
O Fútbol Club Galicia de Berna foi recibido no Concello polo alcalde, José Manuel López Varela, e a edil de deportes, Patricia Bello.
O equipo, procedente de Suiza, e integrado maioritariamente por xogadores orixinarios de distintos Concellos galegos, xoga na liga de Veteranos de Berna e na liga rexional, e trasladouse o pasado sábado ata o noso municipio para disputar un partido amistoso contra o equipo local San Román C.F.
Para rematar a recepción, o presidente do equipo, José Manuel Otero Souto, fíxolle entrega ao alcalde dun escudo do equipo. O rexedor tamén lle fixo entrega dun detalle institucional en nome da Corporación municipal.
